ആത്മരോദനം

• Posted by jyothi haridas on April 25, 2015 at 10:00am
• Send Message   View Blog

മരിക്കുവാൻ ഭീതിയില്ലെനിക്കിന്നു

മരണം തൊട്ടടുത്തെത്തുകിൽ

പൊള്ളുന്ന വേദന ചുടലയായെരിക്കവെ

വെന്തെരിയാൻ ഭയക്കുന്നതെന്തിന് ?

മനസെന്ന പുസ്തകതാളിലൊളിപ്പിച്ച

മോഹങ്ങൾ എങ്ങോ പറന്നകന്നു

ചടുലമാം മോഹങ്ങൾ എങ്ങോ പറന്നകന്നു.

അർബുദം കാർന്നുതിന്നോരകിടുമായ്

സ്ത്രീക്കപമാനമായിട്ടും തീർന്നിട്ടും

തടിചിതലരിക്കുമ്പോൽ കാർന്നുതിന്നോ-

രുടൽ ശേഷിപ്പൂ .....നാൾക്കുനാൾ

ഒത്തൊരു നെടുവീർപ്പാൽ അരികിലെത്തും

ബന്ധങ്ങൾ ബന്ധനങ്ങളാണെനിക്കിന്നു

ബന്ധിതമാമീയുടൽ പോലും അറ്റ് പോയെന്നിരിക്കെ

ശ്വാസമെന്തിനു ശേഷിക്കവേണമീ ദേഹിയിൽ ...