എന്തുപേരിടണം

സ്നേഹിച്ചു മടുത്തെനിക്ക്

അരൂപിയാം രൂപത്തെ

തെറ്റോ ശരിയോ എന്ന്

ഞാൻ ഓർത്തതില്ല

ഇന്നാർക്കുമില്ലീ

മേനിയിൽ ഇടമെൻ

കുടികൊള്ളും മനസിൻ

കിനാക്കൾ മാത്രം

കാമത്തിനു കണ്ണില്ലെന്ന്

അധിക്ഷേപിക്കയോ

വർണ്ണപ്രപഞ്ചമാമീ-

യിതൾ വിടർത്തി

കാമത്തിൻ ആർത്തി

പൂണ്ട കണ്ണുകൾ എൻ

നേർക്കടുത്തപ്പോൾ

നിർവികാരമാം

മേനി പുളകിതയായതെൻ

മനോഭിലാഷം

അപലപിക്കുകയോ വിലപിക്കയോ

ഞാനിന്ന്

വർഗഭേദമില്ലാതത്

അലഞ്ഞിടുമ്പോൾ 

ആണും പെണ്ണും

കാമിക്കുമീ സംസ്കാരം

കീഴ്‌വഴക്കമായ് ആചാരമായീടവേ

സാമൂഹവിരുദ്ധമാം സ്വർവർഗ്ഗരതിയും

ഈ ലോകം കീഴടക്കീടുന്നു

മനുജരെ പതിയും പത്നിയുമായ്

ആശിച്ചനുഗ്രഹിച്ചീ-

ജീവിതം സാഹോദര്യത്തോടെ-

ങ്കിലും ഭൂമിയിൽ ജീവിക്കാനാകാഞ്ഞതെൻ

വിധി
ഭ്രാന്തിയെന്നു വിളിച്ചെന്നെ

ചങ്ങലക്കിടാം

കാമഭ്രന്തെന്നു

മുദ്രകുത്തിടാമിവളെ

ഓർക്കില്ലാരുമിവളുടെ വേദന

ആരുമറിയുന്നില്ലിവളുടെ വേദന

വെറുക്കാനാകില്ലെൻ പ്രിയനെ

എങ്കിലും
സ്നേഹിച്ചിടാൻ കാരണമൊന്നുമില്ല

ഒരു നിമിഷമെങ്കിലും

മേനിതഴുകാനവൻ എത്തി-

യെങ്കിൽ ആർക്കോ വേണ്ടി

കാത്തിരിക്കുന്നീ ജന്മം വെടിഞ്ഞങ്ങു

അഗ്നിയായ്‌ ഞാൻ എത്തിയേക്കാം....